Annonse
Forfatter Øyvind Vågnes har gått bort
Øyvind debuterte på Tiden Norsk Forlag med romanen «Ingen skal sove i natt» i 2003. For hans andre roman «Ekko» (2005) blei han tildelt Nynorsk litteraturpris. I alt vart det seks romanar på forlaget, sist den mangslungne, idérike og gripande «Ei verd utan hestar» frå 2022.
Annonse
Forlaget Tiden skriv:
«Det er med stor sorg vi fekk meldinga om at Øyvind Vågnes har gått bort, etter kort tids sjukdom.
Øyvinds romanar er prega av det mennesket han var. Dei var alle idérike, undrande, fulle av augeopnande kunnskap, og ikkje minst av ei djup varme for karakterane han skapte.
Jobbet med ny roman
Det siste året var Øyvind i gang med ein ny roman. Han gjekk til arbeidet med same evne til å stille seg open for kva skrivinga ville føre til, som han alltid gjorde. Det vi fekk lese gav bod om ei stor forteljing, og vi såg fram til å lese vidare, diskutere idéane, finpusse setningane, vaske, korrekturlese og lage omslag, for så å lansere boka, og saman sukke over håplause kritikarar som ikkje har skjøna nokon ting, og glede oss over dei som faktisk gjorde det. Romanen hadde arbeidstittelen «Karibia», og skulle blant anna handle om ei øy, og i kva grad det er mogleg for eit menneske å trekkje seg attende frå verda.
